8月21日

今日去左 曹格既演唱會~~
咁大個仔先第一次去聽演唱會....= =

第一次聽實力派歌手唱live~
原來又真係有d唔同...
hahahahaaaa
我今日又發現左d野...
我諗我又可以o係唱歌發聲o個方面，再研究一下

我無搞錯既話，係咪話水瓶座既人好易喊~??
今日曹格唱"刮目相看"既時候(聲稱係最後一首歌)
成班觀眾企晒o係度，一齊唱.....
可能大家會覺得無乜野....
但係唔知點解，我一見呢個情況~
再細心一聽....d聲真係好amazing....(個人覺得)
之後就會眼濕濕= =''
唱完，就實會叫"encore"架喇...
之後又成班一齊唱"背叛"，"世界唯一的你"....
細心一聽....又眼濕濕= =''

聽完曹格演唱會，就出左去旺角食糖水
食下糖水，傾下計...
傾傾下就傾到kirk選科既問題....
一傾到呢d，真係人都癲....
傾將來既出路，傾傾下，就傾出好多問題....
有d問題，大家既意見仲有d不合~
差d傾到出晒火......

唉~~~~人生真係多煩惱
我同佢地比，又好似少好多煩惱......
咁睇落去好似係一件好事...
但係調返轉黎睇........
又好似顯得自己而家o係度行屍走肉 or 諗野膚淺咁....
聽講曹格之前未做歌手既時候~
因為覺得自己對社會無貢獻，如垃圾一樣~
因而想自殺........唉~~~佢年輕既時間都已經咁有"大志"~
("大志"呢個詞唔知用得岩唔岩呢)~
所以有時都真係覺得自己諗野好鬼膚淺.......
雖然曹格今日臨完場之前，都講左d勉勵我地呢d年輕一輩既說話~
但係...始終都係覺得自己一事無成......
就連思維都仲咁..............

似乎得閒都真係要棟高床板諗下野.....
要好似玩sims3咁，立下終身目標先~!!!

又踩中地雷.......
d地雷真係多到抽筋~~

我都估到個地雷o係附近架喇~
打機都打左咁多日.....
都正諗住打少d~~
之後去睇下書，溫下書.....
今日晏晝俾人叫左出去打波~
咁咪返黎食完飯，沖完涼就開工~

點知..........................
沖完涼，一出黎就踩到個地雷應一應.....
一大段野炸過黎「%&$*$&$^%*#@」

點解次次我準備去睇下書，溫下書既時候
就先俾人鬧一餐，等佢鬧完先做，又好似做個樣俾佢睇咁.....
今次都唔知係第幾次lu.....
即刻無晒mood去做我原先諗做既野= =''

老實講，雖然今次都係有少少少少少係做個樣 既心態
但係今次亦都真係有heart去睇書.....

頂~~~我呢家仲睇唔睇好呀~!!!!!???
我唔想俾條撚樣以為我係做個樣俾佢睇呀~!!!!!!!!!!!!!!

2月24日
今日同Kurk去左跑步~
嘩，呢家跑30分鐘都覺得好辛苦=3=
跑完就趕返屋企洗衫沖涼，then.....返學

2月25日
可能太耐無做運動lu，今日隻腳有d酸痛.....
但係今日day off，我一早已經約左d同學今日下晏返學校打波~
唯有照打喇~~~反正一星期難得一次同佢地打~

隻腳雖然酸酸痛，但係我反而覺得好有力~!!!
仲好似快返d，原來成年無跑步，真係會有咁大影響=.=
唔怪得呢排....硬係覺得自己愈黎愈跑唔郁.......
又跑唔郁，又跳唔起咁.....

唔知我有冇可能keep到朝早跑步，之後返學呢~!?
不過咁做又好似搞到自己好忙咁....=3=